رد الفنان حسام حبيب على اتهامات الفنانة شيرين عبدالوهاب بأنه سرقها وهددها بحياة ابنتيها.
وقال حسام حبيب خلال تصريحات صحفية لـ «ET بالعربي»: أنا حزين من اللي بيحصل ومش عارف أقول إيه للناس طبعا الناس عندها حق تزهق والله ده ما أنا ولا دي شيرين التصرفات دي بريء منها تماما أنا مستغرب اللي بيحصل أكتر منكم ممكن يكون دا حصل عشان خاطر هي بتحاول تتصل بيا بقالها يومين تلاتة وأنا رفضت أرد عليها تماما وقولت المرة دي مش هينفع أسامح زي كل مرة.
وأضاف: «كل اللي قالت اتهامات شيرين كاذبة يحاسب عليها القانون، الورقة اللي شيرين بتقول بيها إنها حولت ليا مبلغ مالي، مكتوب فيه غرض التحويل لزوج، فأول حاجة كدا هو أنا زوجها، ثانيا حتى لو كنت الزوج وهي بتدلعني بالمبلغ دا إزاي تخرج تقول أني عايز أموتها، يا هي بتكدب لما قالت إننا اطلقنا يا هي بتكدب على البنك وقالت إني زوجها وحولتلي».
وأشار: «شيرين عبدالوهاب دمها بقى تقيل والمرة دي بجد هحبسها، وهي خرجت النهاردة وقالت الكلام دا لأنها عمال تتصل بيا لحد إمبارح بليل عشان نرجع لبعض، وأنا مبردش عليها، عشان أنا رافض نرجع تاني بعد كل اللي حصل آخر مرة لما الأمر وصل للنيابة والحوار كبر، وفي الآخر عشان أنا زهقت عملتلها بلوك»