لو أنت من الناس التي تنتظر الإعلان الـ 17 لـ طرح شقق وزارة الإسكان الاجتماعي الجديد فإن هذا التقرير من اجلك، وهذا لأننا سنوضح موعدإعلان طرح شقق وزارة الإسكان لمحدودي الدخل.
وكمان هنقولك الورق اللي لازم تجهزه عشان متضيعش وقت وتقدر تقدم علطول، ولو كنت من الناس اللي قدمت في الإعلان الـ16 هنقولك هتستلم شقتك إمتى؟
وزارة الإسكان الاجتماعي كشفت عن معاد فتح باب الحجز للشقق الجديدة اللي الوزارة بتجهز لطرحها الفترة دي طيب هل الطرح ده هيكون لكل الناس ولا للفئات معينة ؟
بص ياسيدي حسب كلام قالته مي عبد الحميد، الرئيس التنفيذي لصندوق الإسكان الاجتماعي، أكدت إن الصندوق شغال الفترة دي على ترتيب الأولويات لشقق محدودي الدخل في الإعلان الأخير واللي كان نزل السنة اللي فاتت وهو الإعلان الـ16
وقالت مي عبد الحميد إن الصندوق الفترة دي بيجهز لطرح جديد للناس اللي طلعت خارج الأولوية في الإعلان الـ16
وأكدت حسب اللي نشره موع صدى البلد إنه هيكون ليهم إعلان قريب بكراسات شروط جديدة وده لكل اللي هيكون ليه رغبة في استكمال التقديم بشرط طبعا إنه ميكونش سحب فلوسه.
طيب يا ترى إيه مصير الأسعار الجديدة للشقق دي ؟
الرئيس التنفيذي لصندوق الإسكان الاجتماعي قالت إن أي إعلان بيتم طرحه على المواطنين، الصندوق بيكون ملتزم بالأسعار ونسبة الفايدة اللي بتكون موجودة في كراسة الشروط دون أي تغيير
وحسب كلام مي عبد الحميد فـ الوزارة طرحت 16 إعلان في الإسكان الاجتماعي لحد دلوقتي، قدم عليهم حوالي مليون ونص مليون مواطن؛ و تم تخصيص شقق لـ 540 ألف مواطن.يعني من الأخر الحكومة مبتهزرش.
وقالت كمان إن معدلات الرفض في الإسكان الاجتماعي كانت في بداية المشروع فـ سنة 2014 كبيرة جدًّا ووصلت نسبة الرفض لـ 50% وده بسبب ان الناس مكنتش لسه عارفه الشروط والأوراق المطلوبة
لكن حاليًّا نسبة الرفض وصلت لـ 24% من المتقدمين، وبتكون في الغالب لأسباب تتعلق بـ مخالفة للشروط، وبيظهر ده في الاستعلام الميداني والائتماني
وحسب بيانات صندوق الإسكان الاجتماعي، الوزارة نزلت شقق فـ 28 مدينة في الاعلان ال16 وأعداد المتقدمين عليها أكتر من عدد الوحدات المتاحة حسب المراجعة المبدئية
ولو أنت من الناس اللي قدمت في الإعلان ده وبتسأل عن مصير الشقق دي فـ أحب أقولك إن الصندوق انتهى بالفعل من فرز ملفات العملاء المتقدمين.
وده عشان يستلموا وحدات سكنية جاهزة للتسليم الفوري خلال 18 شهر بس، وبكده تكون الوزارة أكدت إن في طرح جديد لكل الناس اللي كانت خارج الأولوية في الإعلان الـ16.
ولو بتسأل عن طريقة الحجز فـ الحجز بيكون متاح بس من خلال الموقع الالكتروني الرسمي لصندوق الإسكان الاجتماعي ودعم التمويل العقاري.
وبيتم التخصيص للأفراد اللي بيقدموا على المشروعات دي وبينطبق عليهم الشروط اللي بتحددها وزارة السكان تنطبق علية الشروط التي بتحددها وزارة الإسكان
مش بس كده دول كمان بيستفادوا مبادرة التمويل العقاري واللي بتكون بالتقسيط علي 20 سنة .لو انت مقدمتش على شقق الإسكان الاجتماعي الي بتقدمها الدولة قولنا مستني إيه؟