إن كنت تريد الحصول على قرض يصل لمليون جنيه.. وبدون تعقيد وورق كثير سنقول لك على أسهل طريقة يمكنك من خلاله الحصول عليه.
بس كل اللي عليك إنك تروح البنك وتقدم على القرض ده لكن إيه تفاصيل القرض ده؟ ومين البنوك اللي بتقدمه؟ وايه هي شروطه والاوراق المطلوبة؟ وايه احسن قرض تقدم عليه؟
دلوقتي ملايين من الناس بقت تتجه للقروض عشان يفكوا زنقتهم في الغلا والظروف المعيشية اللي حاصله دلوقتي، لكن اكتر فئة بتكون محتاجه للقروض والفلوس عموما بشكل أكبر هما ذوي الاحتياجات الخاصة بسبب ظروفهم الصحية اللي بتحتاج مصاريف كتير بجانب أن فرصهم في الشغل بتكون محدودة عشان بيلجأوا للقروض
عشان كده واحد من بنوك مصر أعلن عن قرض ذوي الاحتياجات الخاصه، لكن إيه التفاصيل القرض ده؟
شوف يا سيدي، حسب موقع فيتو، بنك ناصر الاجتماعي أعلن عن قرض جديد لذوي الاحتياجات الخاصة، لكن ده بشرط أن الإعاقة تكون حركية بس مع سلامة الأطراف العلوية، وحاسة السمع وحاسة البصر
كمان المتقدم للقرض ده لازم يكون قادر على تحمل تكاليف التشغيل والصيانة للعجلة والكرسي المتحرك الكهربائي، كمان لازم ميزيدش سنه عن 60 سنة وميقلش عن 18 سنة
بالنسبة بقى للأوراق المطلوبة فأول حاجة لازم تقدمها هي طلب لإدارة التأهيل بمديرية التضامن الاجتماعي التابعة لمحل سكنك، وفيها المستندات المطلوبة لحالتك زي طلب الحصول على المساعدة من إدارة التأهيل بمديرية التضامن الاجتماعي.
وصورة بطاقة الرقم القومي، وبحث إجتماعي حديث معتمد بيوضح الحالة الاقتصادية ليك، انت كمان بتقدم بيان بمفردات الدخل بيوضح قدرتك المالية على صيانة الدراجة البخارية المجهزة والصرف عليها من وحدة التضامن الاجتماعي التابعة لمحل إقامتك
انت كمان بتقدم تقرير طبى حديث معتمد بيوضح سلامة الذراعين، وسلامة حاسة السمع والنظر بياكد قدرتك على قيادة الدراجة البخارية بنفسك
وبتقدم عروض اسعار (بحد ادنى 3 عروض) للدراجة أو للكرسي أو للجهاز اللي انت عايز تشتريه من شركات مختلفة من خلال اللجنة، وإقرار على العميل بحظر بيع الدراجة البخارية لمدة متقلش عن خمس سنين
وعلى فكرة القرض ده قيمته بتبدء من 4 آلاف لحد 30 الف جنيه، هتقدر تاخدهم من اقرب فرع لبنك ناصر بعد ما تقدم المستندات المطلوبة طبعا
انت كمان عندك قرض بنك ابو ظبي لذوي الاحتياجات الخاصة ضمن برنامح إرادة ، وده قيمته بتوصل لمليون جنيه ، وده نسبة الفايدة بتاعته اقل من 3%، بفترة سداد بتوصل ل8 سنين.
أما لو انت من الأشخاص العاديين وعايز قرض بأقل فايدة، فعندك القرض الشخصي من بنك ناصر وده قيمته بحد أدنى 4 آلاف جنيه وبحد أقصى 75% من المرتب أو المعاش.
بس خالي بالك القرض ده مش متاح لموظفين العقود المؤقتة، هو بس متاح للعمالة الدايمة بشرط أن يكون مر على تعيينهم 5 سنين من موظفين الحكومة والقطاع العام وقطاع الأعمال العام، وأصحاب المعاش، و ورثه المعاش، وده بقى بعائد 11% في حالة وجود ضامن حكومى، و11.7 % في حالة عدم وجود ضامن حكومي.
وعشان تاخد القرض ده فأنت لازم تقدم الرقم التأميني ليك وصورة بطاقة الرقم القومي السارية ووصل مرافق حديث، و بيان بمفردات الدخل، ده غير انك بتقدم نفس الأوراق للضامن بالإضافة لبيان الحالة الوظيفية ومفردات المرتب
ودلوقتي قولنا رايك في قرض ذوي الاحتياجات الخاصة؟