مفاجأة جديدة لكل العرسان، جرام الدهب سيصل لـ السعر مفاجئ الأيام القادمة، ورقم 4000 جنيه انسوه تماما، ماذا سيحدث للذهب وما أفضل وقت للشراء البيع ، تابعونا لمعرفة التفاصيل:
الكل اتفاجىء للي بيحصل في عملات السوق السوداء وخصوصا بقا الدولار واللي نزل سعره بشكل كبير ودا بعد اعلان الحكومة عن تنفيذ صفقة رأس الحكمة بين الجانب المصري والاماراتي واللي هتقدم استثمارات نقدية مباشرة للدولة المصري بقيمة 35 مليار دولار هتدخل خزينة البنك المركزي في خلال شهرين، وهتوصل الدفعة الأولى 15 مليار دولار، والثانية 20 مليار دولار، بالاضافة الي 35% من أرباح كمان للدولة من المشروع .
وبعدها بساعات شوفنا تاثير الصفقة دي على سوق الدهب واللي حقق تراجعات كبيرة اليومين دول عدت الـ 400 جنيه للجرام الواحد
لكن المفاجأة اللي هنقولكم عليها النهاردة واللي هتعجب كل العرسان هي إن الدهب مش هيكتفي بالتراجعات اللي حققها اليومين اللي فاتوا وإننا على معاد مع تراجعات جديدة
ودا اللي أكده الدكتور ناجي فرج مستشار وزير التموين لشؤون صناعة الدهب واللي قال إنه مفيش رجوع ابدا لسعر الجرام اللي وصل 4000 الاف جنيه ومن الاخر الكل ينسى الرقم دا.
خصوصا إن الحكومة خدت اجراءات كتير من ضمنها كان الاعلان عن صفقة رأس الحكمة واللي ساعدت في استقرار السوق بشكل ملحوظ وسد الفجوة بين سعر الدهب محليا وعالميا
خصوصا يعني إن الصفقة دي هتوفر سيولة دولارية كبيرة للدولة، وإن كل المؤشرات بتبشر بحالة من الاستقرارفي السوق، مش بس كدا دا كمان مستشار وزير التموين أكد إن الدهب هيحصله مزيد من الانخفاضات الفترة الجاية
لكن حسب كلامه فـ الدهب مش مرتبط بسعر الدولار في السوق الموازي لكن مرتبط بوفرة الدولار في السوق ودا اللي عملته صفقة رأس الحكمة
ومش بس كدا دا كمان اللواء أحمد سليمان رئيس مصلحة الدمغة والموازين قال فـ تصريحات للوطن إن استمرار تراجع الطلب على الدهب الفترة دي هيساعد في تحقيق استقرار في السوق والجرام هيفضل ينخفض.
وإن الفترة الجاية عبارة عن موجة من الاستقرار بشكل كبير جدا في سوق الدهب ودا بعد فترة الاسعار الوهيمة اللي شوفناها في الفترة الأخيرة
وإن سعر الجرام هيستقر عند 2500 جنيه بس، وطبعا كل اللي بيحصل دا في صالح العرسان وكل اللي حابب يحط فلوسه في الدهب الفترة الجاية.
خصوصا إن الدكتور ناجي فرج مستشار وزير التموين لشئون صناعة الدهب أكد إن الفترة دي هي أنسب وقت لشراء الدهب لكل اللي حابب يستثمر فلوسه في استثمار آمن ومضمون يحافظله عليها من خطر التخضم أو أي مشاكل ممكن لقدر الله تواجه العملة
أما بقى اللي حابب يبيع فـ نصيحة الخبراء ليه بلاش دلوقتي خصوصا إن البيع في الوقت دا بيعتبر خساره لصاحب الدهب ودا لأن السوق مش مستقر وفي تراجعات محتمله الفترة الجاية
وأي حد حابب يستثمر في الدهب لازم يصبر عليه ودا لأنه استثمار طويل الأجل انتوا بقا إيه تفسيركم للتراجعات اللي حصلت في سوق الدهب الفترة دي؟