الناس كلها تنتظر القرارت الجديدة التي ستأخذها الحكومة الفترة القادمة وأهمها الإعلان عن أسعار البنزين الجديدة ، خاصة وإنه بدأ العد التنازلي لاجتماع لجنة التسعير التلقائي للمواد البترولية والتي تجتمع كل 3 شهور من أجل ربط أسعار الوقود في مصر بالسوق العالمي.
بتستعد اليومين دول لجنة تسعير المواد البترولية عاشن تعقد اجتماعها الدوري واللي هتلعن فيه عن الأسعار الجديدة للبنزين والسولار.ولو انت مش عارف اللجنه دي بتشتغل ازاي؟
هقولك ياسيدي، هي بتحدد الأسعار الجديدة لتكلفة بيع المنتجات البترولية في الأسواق المحلية على حسب التطورات اللي بتحصل في السوق العالمي لسعر برميل خام برنت وكمان سعر الدولار ده غير بقى تكاليف النقل واللذي منه واللي بتضاف بردو على فاتورة الأسعار في مصر.
الكلام ده ممكن يخضك في الأول ويحسسك إن اللجنة دي ممكن تغير السعر في السوق خالص، لكن لأ الكلام ده مش حقيقي، وده لأن اللجنة دي شغالة بألية عمل منضبطة ولازم من خلالها تسعير المنتجات بشكل عادل وده عشان متحملش الدولة أعباء فوق طاقتها.
وعشان كده لازم تربط الأسعار اللي في السوق بالأسعار المحلية، لكن خلي بالك اللجنة بتحرك الأسعار سواء بالزيادة أو بالتخفيض بشكل محدود جدًا وكمان بالتدريج، بشرط إنه ميزدش رفع الأسعار أو تخفيضها عن 10% .
طيب ياترى إيه هي توقعات قرارات اللجنة في اجتماعها المقبل؟
وحسب تقارير نشرها موقع الفجر قال فيها إن في توقعات إن لجنة تسعير البنزين والسولار هتاخد قرار بتثبيت الأسعار الحالية وتسيب سعر البنزين والسولار زي ما هو من غير أي تغيير.
لكن في خبراء قالوا كلام مختلف وتوقعوا إن أسعار البنزين تزيد في الاجتماع الجاي ولكن بشكل طفيف جدا يعني زيادة بسيطة.
منهم مدحت يوسف نائب رئيس هيئة البترول الأسبق واللي قال في تصريحات لموقع صدى البلد إنه بيتوقع يحصل زيادة طفيفة لأسعار البنزين 92 و95 مع تثبيت أسعار السولار.
واتفق معاه هاني جنينة الخبير الاقتصادي والمحاضر في الجامعة الأمريكيةوبردو توقع رفع أسعار البنزين بحد أقصى 50 قرش للتر، مع تثبيت أسعار السولار.
وقال لمصراوي إنه توقعاته دي بسبب تحركات سعر الصرف في آخر 16 شهر، كمان سعر البنزين في مصر أقل من سعره العالمي حتى مع تراجع سعر البترول عالميا؟
واخر مرة اجتمعت لجنة تسعير البترول في ابريل اللي فات من قررت اللجنة إنها تزود سعر السولار جنيه واحد لكنها قررت تثبيت أسعار البنزين والمازوت.
عشان يوصل سعر بنزين 80 لـ 8.75 جنيه.
وسعر بنزين 92 لـ 10.25 جنيه.
وسعر بنزين 95 لـ 11.50 جنيه.
وسعر السولار لـ 8.25 جنيه.
أما سعر بيع طن المازوت لغير استخدامات الكهرباء والصناعات الغذائية فسجل 6000 جنيه.
قولولنا توقعاتكم لـ قرار لجنة تسعير المنتجات البترولية وهل شايفين إنه ممكن يزيد؟