كشف المستشار مرتضي منصور رئيس نادي الزمالك السابق عن كواليس زيارته لـ أحمد فتوح لاعب الفريق الكروي بالنادي الزمالك في محبسه.
وقال مرتضى منصور: “بشكر كل الرجال الأمن المتواجدين في القسم على مجهودهم اللي بيبذلوه، وأنا أطمئنت على أحمد فتوح وهو الحمد لله بخير، وقولتله أن إيمانك بربنا هو لأزم يكون نمرة واحد، هنفترض أنت اللي روحت فيها، فده نعتبره أن ربنا فداك”.
تفاصيل زيارة مرتضى منصور لـ أحمد فتوح في السجن
وأضاف : “ انا مندهش بصراحة لما قالي إن مفيش حد من مجلس إدارة الزمالك الحالي زاره لحد دلوقتي، لا حسين لبيب ولا هاني شكري ولا سليمان ولا أدهم”.
وواصل:«أنا متصور الناس كلها هتروح تشوف فتوح لأني دايما أنا بحب أسبق في الخير، وإن شاء الله متابع التطورات القضية مع فتوح وإن شاء الله خير في اللي جاي».
وأكد مرتضي منصور: “أنا بس لفت نظرى حاجة كمان، كابتن ميدو مش أنت زملكاوي ليه مجيتش تزور فتوح، وفين كابتن خالد الغندور، من الآخر اللي مش بيظهر في الأزمة بيقي ملوش أصل”.
وأمرت النيابة العامة بإحالة أحمد فتوح لاعب كرة القدم إلى محكمة الجنايات المختصة؛ لمحاكمته فيما نُسب إليه من إحرازه جوهر الحشيش المخدر بقصد التعاطي، وتسببه خطأ في قتل المجني عليه أحمد السيد، حال قيادته سيارة تحت تأثير ذلك المخدر وبحالة ينجم عنها الخطر.
ووفق بيان رسمي، ثبت بتحقيقات النيابة العامة أن المتهم قاد سيارته بأحد الطرق الساحلية بسرعة هائلة جاوزت السرعة المقررة قانونًا تحت تأثير تعاطي جوهر الحشيش المخدر؛ فصدَم المجني عليه حال عبوره الطريق، فتناثرت أشلاؤه بداخل السيارة وعلى جنبات الطريق وحدثت وفاته.
اقرأ ايضا:
أول صورة للراحل حسن محمود طاهر نجل رئيس النادي الأهلي السابق