كشفت المنتجة ليلى الشبح، الصديقة المقربة للموسيقار حلمي بكر، تفاصيل ما كنت تفعله معه زوجته سماح القرشي.
وقالت ليلى الشبح: مراته كانت بتعذبه، وكان عنده برنامج في المدينة وسيد عمر المصور راح جابه وحجزته معاه وقفلت عليهم.. وعذبت حلمي وشتمت سيد عمر المصور بتاع المدينة.
وتابعت: مراته أساءت له وشتمته قدام سيد عمر، والمصور قالها طيب أنتي قصتك مع جوزك طلعيني من الشقة، راحت شتمته.. أنا مبتواصلش معاها خالص، وأنا زعلت وقولت لحلمي بكر بلاش ترجع لها؛ لأنها عذبته قبل كده، وجابتله بلطجية، وكانت بتولع السجاير وتحرقها في جسمه، ومكنش بيحبها وكان عايش معاها علشان بنته.
وأردفت: جابت بلطجية علشان تاخد الجثمان وتدفنه الساعة 10، واللي حصله ده مينفعش.. ده قيمة وقامة لينا كلنا ومينفعش مراته تعمل كده.
كما علقت ليلى الشبح على أزمة دفن الموسيقار حلمي بكر وعدم دخول الجثمان في ثلاجة حفظ الموتى لمدة 12 ساعة، قائلة: النقيب مصطفى كامل مقصرش، ولكن كان لازم هشام نجل الراحل وأخواته هما اللي يكونوا موجودين.. وقبل كده مرات حلمي جابت لأحمد أخوه الراحل بلطجية، وكانت بينهم خناقات.