كشف صديق المخرج أحمد البدري آخر تطورات حالته الصحية، بعد بتر قدمه قبل يومين بسبب مضاعفات إصابته بمرض السكري، مشيرًا إلى أن رجله اليسرى بٌترت بالكامل ويعاني من صعوبة في التنفس وعدم انتظام السكر وتسمم في الدم.
وكتب هاني الشيخ صديق أحمد البدري عبر صفحته الرسمية بموقع فيس بوك: صديقي الغالي المخرج أحمد البدري، أرجو من كل اللي يعرفه عن قرب يزوره في المستشفى لأن حالته الصحية صعبة جدًا جدًا وغير مستقرة.
وأضاف: بتر القدم بالكامل رجله الشمال كلها اتشالت وسكر غير مستقر والتنفس صعب جدا وتسمم في الدم، هو في معهد ناصر اللي على الكورنيش في الرعاية المركزة، الزيارة من الساعة 4 إلى 5 فقط، ادعوا له وزيارة المريض بتفرق معاه كتير لأن الوضع صعب، ربنا يشفيك ويعافيك وتقوم بألف سلامة.
وأردف قائلا: أرجوكم لما حد يكون قريب منكم وفيه عشرة وتعب أو في محنة روحوا زوروه واطمنوا عليه بنفسكم بلاش جو البوستات وشغل السوشيال ميديا، ممكن يكون فيه بُعد من زحمة الحياة بس لو حد بينك وبينه عشرة واتحط في موقف اجري وروح له عشان لما تقع تلاقي الناس حواليك، ربنا يشفي ويعافي كل مريض ويشفيك يا بدري.