دائما قادرة تلفت الأنظار لها والكل مبهور بجمالها رغم تقدمها في السن ..لكن الكثيرين لا يعرفوا الوجه الاخر للملكة رانيا..سيدة الأعمال الناجحة وصاحبة الثروة الكبيرة
طب عندك علم أنها درست هنا في مصر ؟!طب تعرف انها ألفت كتاب ومبيعاته تخطت الملايين ؟! وبمناسبة الملايين هي ثروتها تعمل كام ؟!
إسمها بالكامل رانيا فيصل صدقي الياسين واسم الشهرةالملكة رانيا العبدالله اللي كانت حديث العالم من شهور في حفل زفاف بنتها ومن بعدها حفل زفاف ابنها ولفتت الأنظار بإطلالة البسيطة وجمالها الملحوظ برغم سنها اللي تخطى ال53 سنه !
اتولدت الملكة رانيا بتاريخ 31 أغسطس 1970 في الكويت لوالدين من أصول فلسطينية بس بعد كده اضطرت العيلة إنهم يسيبوا البلد بسبب أزمة الخليج سنة 1991 عشان يسافروا الأردن ويعيشوا هناك.
دراسة الملكة رانيا
الملكة رانيا خريجة الجامعة الأمريكية بالقاهرة ،!! ..ايوا الجامعة الأمريكية اللي هنا في مصر اتخرجت منها الملكة رانيا وحصلت منها علي شهادة في إدارة الأعمال سنة 1991.وده في نفس وقت اللي اضطرت فيه هي وعيلتها انها تسيب الكويت بسبب المشاكل اللي حصلت فيها .
وساعتها انضمت الملكة لعيلتها بعد فترة قصيرة، وهناك اشتغلت في مجال التسويق في مصرف سيتى بانك وبعدها إشتغلت في وظيفة تسويق تانية في مكتب أبل في عمان وهناك اتعرفت على الملك عبد الله ملك الأردن.
واللي حصل انهم اتعرفوا على بعض في عشاء عمل من تنظيم اخت الملك، عشان يقع الملك عبد الله في حبها من النظرة الأولى.
وكان وقتها الملك عبد الله لسة أمير، لكن بسرعة تمن الخطبة والجواز في 1993،وبعد وفاة الملك الحسين بن طلال في 7 فبراير 1999، أصبح الأمير عبد الله ملك الأردن بس الغريب بقى ان الملكة رانيا مكانس المفروض تبقى ملكة!
اه والله زي ماسمعت كده، حسب التقاليد الملكية، كان المفروض تفضل أميرة عادي، لكن الملك عبد الله قرر تتويجها كملكة وهي نفسها اتصدت من القرار ده.لكن تعرف إن الملكة رانيا ألفت كتاب واتخطت مبيعاته الملايين وكان الأكثر مبيعا في أمريكا ؟!
ايوا زي ماسمعت الملكة رانيا ألفت كتاب مشهور في أمريكا بعنوان مبادلة الشطائر ، وكتبت عنه صحيفة نيويورك تايمز باعتباره أفضل الكتب مبيعا في الولايات المتحدة الأمريكية وجه في المرتبة الأولى لكتب الصغار المصورة.
الكتاب صادر عن مؤسسة ديزني وارباحه موجهة لدعم المدراس في الأردن، والنسخة العربية منه موجود باسم سلمى وليلى.
ثروة الملكة رانيا
أما عن ثروة الملكة رانيا اللي كله بيسأل عنها : وبحسب المعلومات اللي موجوده ونشرتها صحيفة الفن فثروة الملكة رانيا تتعدي ال35 مليون دولار، يعني حوالي مليار و85 مليون جنيه ، لكنها مأكدتش ده ولا نفت برضه
واللي مش كتير يعرفوه عن الملكة رانيا إنها من أغنى السيدات العربيات في العالم والمعروفة بجهودها الإنسانية وبساطتها رغم من السلطة والعلم والمال اللي بتتمتع بيهم الملكة رانيا ،
صحيح هي ملكة اه ولكن مش مجرد ملكة عادية هي ملكة ناجحه في حياتها الأسرة والوطنية والمهنيةوانت قولنا ايه رأيك في الملكة رانيا ؟!هستنا أعرف رايك في التعليقات