أسرار منة السني أصغر مليونيرة على السوشيال ميديا

كان هو الولد الوحيد الذي يخرج مع شلتها البنات واختارها من وسطهم لكي يقرا فاتحتها وهي رفضت، هذه ببساطة حكاية منة السني وصاصا،وهما أخيراً كتبوا كتابهم بعد 3 سنين ونصف.

إزاي الخطوبة تمت وإزاي اتعرفوا على بعض أول مرة في حياتهم واتخانقوا سوا؟.. وإيه الحكاية اللي خلتها تقلع الدبلة وليه حماها صدمها وإزاي منة السني بقت أصغر مليونيرة على السوشال ميديا؟.. كل دي تفاصيل مثيرة هقولكم عليها في الفيديو اللي معايا.

المفروض إن أي اتنين بيتخطبوا بتحصل بينهم مشاكل وحكايات ملهاش آخر لكن علاقة منة السني وصاصا مختلفة شوية بيتعاملوا بعقل واحترام وقدروا يوصلوا للشهرة ويبقى ليهم جمهور كبير على السوشال ميديا.. كتب كتابهم كان من كام يوم وجاي بعد سنين خطوبة وسنين حب ومعرفة وأصلا منة السني تبقى قريبة صاصا أختها متجوزة عمه.. وحكايتهم مثيرة وحياة منة فيها أسرار كتير.

أصغر مليونيرة

في يوم من قررت البنت اللي في الثانوية العامة إنها تكون مشهورة.. قالت إحنا في عصر السوشال ميديا والبلوجرز مالين الكوكب جت عليا أنا يعني.. قامت عاملة صفحة باسمها وبدأت الحكاية.. بس هي كان عندها هدف إنها تكون إيجابية متعملش أي هلس والسلام.

وعشان هي بتعرف تلبس كويس يعني عمرها ما لبست حاجة مش لايقة عليها وبيتقال عليها إن عندها حضور طاغي وسط صحباتها وعيلتها وعشان الثقة بالنفس دي بدأت مشوارها والتفاعل بقى واسع جداً.

من غير تريندات كدابة وبقت بلوجر محجبة بتعرض أزياء ونصايح للمحجبات وقالت أنا مليش دعوة بعروض الملابس الداخلية اللي مالية السوشال ميديا.. اختارت جمهورها في البداية يكونوا من سنها وعشان الاختلاف ده حققت نجاح كبير جداً والمتابعين دلوقتي بقوا بالملايين وهي لسه عندها 23 سنة بس.

صديق الطفولة

محمد خالد الشهير بـ صاصا اللي قولنا عليه قريب منة السني كان صديق الطفولة وأكبر منها بسنة واحدة قال إنه كان الولد الوحيد في شلة البنات وعجبته منة السني اللي وقفت جنبه وقفات جامدة جداً اتخطبوا ومحطتهوش تحت ضغوط ولا قالتله عاوزة وعاوزة وانت عليك كذا والحكايات دي بيقول إنها علطول بتشاركه لأ وكمان بتكبره وبتعلمه يتكلم إزاي ويتعامل إزاي ويقول إيه امتى وفين وعشان هي أصغر منه ف السوشال ميديا خليته يختار الطريق معاها ويكملوا بعض وبقوا هما الاتنين الملاذ الآمن لبعض.. ومع الوقت بقى يشوف منها تصرفات طفولية بقى يوعيها ويقولها على الصح والاتنين بيعترفوا بفضل بعض في حياتهم.

صدمة حماها

لما في يوم صاصا طلب إيد منة عشان يقرا فاتحتها فكرته بيهزر ورفضت الموضوع وقالت إيه ده هو الكلام ده فيه هزار كده.. رغم إنهم كانوا مرتبطين أصلا ولما رجع كل واحد على بيته منة السني لقيت صاصا طالب إيديها رسمي عشان يتجوزها ولما جت تسأل مصطفى قالها محصلش ومعملتش حاجة من اللي بتقوليها دي لحد ما اتصدمت إن حماها دلوقتي هو اللي طلب إيديها لابنه وصاصا كمان اتفاجئ زيها ومن هنا الموضوع بقى رسمي واتحولت الصداقة والطفولة والارتباط لخطوبة رسمي في شهر 10 سنة 2019 عشان يجي شهر يوليو السنة دي ومنة السني تبقى مرات صاصا رسمي فهمي نظمي.

خناقة واحتواء

صاصا ومنة بيقولوا إنهم متفاهمين لأبعد درجة لكن ده ميمعنش بردوا إنهم بيتخانقوا وبتحصل بينهم مشاكل واختلاف في الرأي بعض الأوقات بس اللي بيميزهم إن المشكلة مبتقعدش أكتر من 10 دقايق ويتصالحوا علطول.

بس في مرة منة السني اتجننت وحصل خلاف بينهم راحت قالعة الدبلة وقالتله كل واحد يروح لحاله بقى وكفاية لحد كده.. راح قالها البسي دبلتك إحنا اتخانقنا إيه علاقة ده بالفركشة؟ هنحل الخلاف ما بيننا ومفيش حاجة حصلت تخلينا نفركش منة اقتنعت ولبست دبلتها ومن وقتها مكررتش نفس الغلطة ومحمد قال ما هو عشان متتعودش على كده كل ما نتخانق هتقلع دبلتي.

أصلا شرارة الحب بدأت ما بينهم من 16 سنة فاتوا وقتها كان صاصا رايح عيد ميلاد وقابل منة هناك كانت بالنسبة ليه وقتها بنت رخمة ورزلة عشان كانت شبطانة في البالونة بتاعته قال أنا اضطريت أسيبهالها بس تقلت بقى عليها ومع الوقت اتكشفت ومقدرتش أقول إني مش واقع في حبها لشوشتي.

اكتبولنا في التعليقات شايفين منة السني من أفضل البلوجرز على السوشال ميديا وتستحق المكانة اللي هي فيها دي ولا لأ؟ وإيه اللي بيميزها عن غيرها من اللي منتشرين على الساحة؟.