كشفت الفنانة أسماء جلال، مواصفات فتى أحلامها التي تتمنى أن ترتبط به ويكون زوجها المستقبلي، مشيرة إلى أنها في حال دخولها في علاقة ستشارك جمهورها.
وقالت الفنانة أسماء جلال، في تصريحات صحفية على هامش العرض الخاص لفيلم وش في وش: مواصفات رجل أحلامي هي إن هو يكون شخص متفهم، وداعم لي، وشخص متواضع وناجح، وعنده شغف، ومهتم يسمعلي، حاجات بسيطة.
وتابعت أسماء جلال: مفيش أي علاقة أنا فيها دلوقتي، ولو في أي حاجة هشارك جمهوري فيها.
وكانت أسماء جلال كشفت تفاصيل دورها في فيلم وش في وش، حيث قالت: أجسد شخصية سلمى في فيلم وش في وش، وهي شخصية شوية متهورة في قراراتها وآرائها ومش بتعمل حساب لحد، وعندها مشاكل معينة معقدها من الجواز والخلفة، بسبب كل الأزواج اللي حواليها والخلافات اللي بتحصل، بس هي برضه إنسانة بسيطة جدا وبتحب صاحبتها.
وعن تعاونها مع أمينة خليل، قالت أسماء جلال: التعاون مع أمينة خليل لذيذ وبحبها جدا، بحب أشتغل معاها ويارب دائما يكون فيه القبول ده والكيمياء اللذيذة اللي بينا.