الساعات الأخيرة دولة الكويت أصدرت قرار جديد بخصوص الوافدين لها من الخارج، وقالت إن الوافد الذي لن يقوم بتسديد كل ما عليه لن يسافر ولا يترك البلد إلا في حالة واحدة.
بس ياترى إيه تفاصيل القرار ده؟ وايه هي الحالة اللي ممكن يلجأ ليها الوافد لو مقدرش يسدد اللي عليه؟ وياترى اللي عملته الكويت عشان تضمن حقها؟ وايه حكاية تأشيرة الكويت الجديدة؟
من وقت للتاني الدول العربية بتصدر قرارات وتنبيهات بخصوص الوافدين ليها من الخارج وده عشان تحافظ على سلامة البلد وكمان عشان تضمن ليهم بقائهم فيها من غير اي مشاكل او عوائق.
كانت اخر القرارات دي هو قرار دولة الكويت بخصوص الوافدين ليها، بس ياترى إيه تفاصيل القرار ده؟ شوف يا سيدي، حسب جريدة الراي الكويتية، لازم تدفع اي فواتير متراكمة عليك قبل مغادرة الكويت، سواء بقى كانت فواتير كهرباء أو مياه أو رسوم المواصلات، أو أي خدمة تانية استفدت بيها ومدفعتش تمنها، من الاخر مش طالع من الكويت الا بعد ماتدفع اللي عليك.
وحسب قرار جديد من وزارة الداخلية في الكويت، مفيش، أي أجنبي هيسافر ويسيب البلد لأي سبب إلا المخالفات المرورية المسجلة عليه في أنظمة وزارة الداخلية.
وده هيكون عن طريق البوابة الإلكترونية للوزارة أو مراجعة أحد الأقسام التابعة للإدارة العامة للمرور في المحافظات أو المكاتب الموجودة في المنافذ البرية والبحرية ومطار الكويت الدولي.
وعشان تبقى عارف الكلام ده مفيهوش هزار، ودلوقتي الاجتماعات في حكومة الكويت شغالة لبحث آلية الربط الإلكتروني بين وزارات الداخلية والعدل والمواصلات عشان يرفعوا كفاءة تحصيل مستحقات الوزارات والإدارات الحكومية والحفاظ عليها من الضياع
وفعلا وزارة الكهربا بدأت إجراء اختبارات لربط نظام تحصيل الفواتير الخاصة بيها مع نظام وزارة الداخلية عشان تتأكد من سلامة آلية الربط الإلكتروني قبل تفعيل النظام بشكل رسمي في سبتمبر الجاي، يعني بنتكلم في ساعات معدودة
بس افرض بقى جت تسافر، ولاقيت فواتير كتير متراكمة عليك ومش معاك تدفع، هتعمل ايه؟
في الحالة دي، الكويت هتديك فرصة كمان لأنه حسب المصادر: لو الوافد صاحب الفواتير المرتفعة كان من الصعب أنه يسدد الفواتير اللي عليه دفعة واحدة قبل مايسافر فساعتها ممكن الوزارة تسوي الوضع، عن طريق إلزام الوافد بالحصول على كفالة من مواطن بس بشرط انه يسدد جزء من المبلغ اللي عليه، ويتعهد بتقسيط الباقي
ولو منفذش وعده فالكفيل هنا هيكون ملزم بالتسديد لو الوافد كان خارج البلاد، أما بالنسبة للوافدين اللي عليهم مبالغ بسيطة، فمش هيكون قدامهم غير الدفع قبل ما يسافر.
وبمناسبة الكويت والوافدين فيها، انت عارف ان الكويت أصدرت تأشيرة دخول جديدة، بس هي ايه حكايتها؟
انا هقولك حسب جريدة الراي، النائب الأول لرئيس مجلس الوزراء الشيخ طلال الخالد اصدر قرار باستحداث تأشيرة دخول للكويت لممارسة أنشطة رياضية أو ثقافية أو اجتماعية
التأشيرة دي ياسيدي بيتم إصدرها من الإدارة العامة لشؤون الإقامة بناء على الطلب المقدم من أي نادي رياضي أو المؤسسات والهيئات والجمعيات الثقافية والاجتماعية المعتمدة في البلاد وده وفقا للضوابط اللي بتحطها الإدارة العامة لشئون الإقامة
ووفقًا للقرار التأشيرة دي بتيح لحاملها الإقامة المؤقتة في البلاد لمدة 3 شهور، ويجوز تجديدها بس مش اكتر من سنة من تاريخ الدخول
مش بس كده دي الكويت بتتوجه دلوقتي لإعادة السماح بتقديم طلبات تأشيرات الدخول العائلية بعد توقف استمر لشهور، وده يجي بعد استكمال الإجراءات الخاصة بالتأشيرات، وتنفيذ الشروط المطلوبة للي اتقدموا بطلبها من جهة الراتب والوظيفة
وعلى فكرة التأشيرة دي هتكون محصورة للأقارب من الدرجة الأولى فقط
ودلوقتي قولنا رايك في قرارات الكويت للوافدين؟