علق الإعلامي تامر أمين، على أزمة الفنان بيومي فؤاد، بعد الهجوم الذي شنه على الفنان محمد سلام وقرار انسحابه من مسرحية “زواج اصطناعي”، التي عرضت في موسم الرياض.
وقال تامر أمين خلال تقديمه برنامج “آخر النهار” المذاع عبر قناة النهار: “اللي إنت عملته يا أستاذ بيومي إنك تصدرت المشهد طواعية بدون مبرر، وخليت الناس تستفز منك بدون مبرر ومجانا“.
تعليق مثير من تامر أمين على أزمة بيومي فؤاد
وأضاف: “لو عايز تدافع عن نفسك والمجموعة اللي سافرت واشتغلت، ومحمد أنور اللي أنقذ الموقف بدل محمد سلام، كنت تطلع تقول يا جماعة ده شغلنا وإحنا ملتزمين تجاه شغلنا“.
وتابع: “أنا سمعت فيديو اعتذار محمد سلام مرات وليس فيه أي إهانة لفنه، ورقم اثنين إيه دخل حب أو كره السعودية في القصة؟ وإن لك الشرف تتصور مع مواطن سعودي، النجوم والفنانين كل الناس لها الشرف تتصور معاهم“.
وأكمل: “ثالثا إيه دخل الفلوس في الموضوع؟ ذكر الفلوس هو اللي جاب لك الكلام يا أستاذ بيومي، وإنت غير موفق في هذه النقطة، كلنا بنشتغل علشان الفلوس“.
وفي وقت سابق، ظهر بيومي فؤاد، في فيديو عبر إنستجرام، قال فيه: «من حقك أنك تعتذر عن المسرحية، لكن مش من حقك أنك تغلط في فنك“.
وتابع: “إحنا ما بنجيش عشان نضحك حضراتكم.. إحنا بنقدم فننا المصري، وإنتم بتحترمونا وإحنا بنحترمكم جدا.. شئ عظيم إن أنا أخرج وإتصور مع شاب سعودي أو سيدة سعودية، وهي تعلم أن أنا مصري فأنا بشرف بلدي“.
وأضاف: “محمد أنور راجل وأنقذ موقف وكان قدها.. وأنا فنان مصري وليا الشرف.. جيت المملكة العربية السعودية وليا الشرف.. إحنا بنتعب وبنقدم فن ولو الموضوع كدة ف في فنانين كتير من أيام نجيب الريحاني المفروض ينتحروا».
لمشاهدة الفيديو من هنا:
وأضاف بيومي فؤاد: “إحنا اتظلمنا والله واتهنا وإحنا جايين نقدم فن.. اقسم بالله احنا مش بتوع فلوس.. والله العظيم لو العرض ده اتعمل بدون أجر لمدة 15 يوم كمان هيبقى لينا شرف وفرحانين جدًا.. وسيادة المستشار يعلم ده.”
اقرأ ايضا:
صدمت الجميع.. أول رد قاسي من زوجة بيومي فؤاد بعد الهجوم عليه