تحدث مطرب المهرجانات الشعبية مسلم، عن صوت الهضبة عمرو دياب، خلال لقائه في برنامج أسرار الذي يعرض على شاشة قناة النهار.
وقال مسلم: في أعلى من عمرو دياب فنيا، بالنسبة لي حسين الجسمي رقم واحد في حياتي وأقوى صوت في العالم، عمرو دياب طبعا أسطورة، لكن حسين الجسمي في حتة ثانية.
وتابع: سر نجاح عمرو دياب إنه مش قوي صوتيا، لكن تسمعيه تحبيه، وممكن لو ربنا كرمني وعملت حفله معاه خارج مصر نشوف رأي الناس صوتيا.
وأشار مسلم إلى المطرب الأقرب له بقوله: أنا نفس حتة سعد لمجرد، بحبه جدا وأحس إنه نفس سكتي.
وأكد: عصام صاصا وحودة بندق كل واحد ناجح في مجاله، لكن شايف نفسي في منطقة ثانية لوحدي، ومش شايف منافس فيها.
ومن الجانب الآخر قال: انا اتبهدلت اوي عشان أرجع أغني وكان حلمي اوصل بموهبتي لهدف أقول اني هوصل وهعمل ده، بغض النظر عن تقديمي للقرآن“.
وتابع: “مبقتنعش بكلام الشيوخ أن الغناء حرام والدين بتاعنا ده دين الأخلاق وربنا هيحاسب كل واحد على نواياه، ممكن أصلي ولكن في حاجات بتفوتني ومش زي الأول وبتمنى ربنا يهديني وأرجع تاني، وشغلي السبب في كده وده غصب عني وكفاية مسحول في حوار الجواز والخطوبة“.
وفاجأ الفنان الشاب مسلم، مطرب المهرجانات، الجمهور بفسخ خطبته من الفتاة التي كان يعلن عنها باسم “يارا”. وقد جاء هذا القرار بعد أسابيع قليلة من إعلانه عن الخطوبة في حفل بهيج في قصر البارون بحضور عدد كبير من نجوم الوسط الفن.
حذف مسلم جميع صور خطوبته التي احتفل بها منذ أسابيع، من حسابه الشخصي بموقع تبادل الصور والفيديوهات إنستجرام، ما جعل الجمهور يتساءل عن حقيقة فسخ خطبته، كما كتب مسلم عبر ستوري إنستجرام: خلصت يا جماعة.