تحدثت الفنانة حورية فرغلي، عن علاقتها بمطرب المهرجانات الشعبية حسن شاكوش وطليقته ريم طارق، وذلك خلال لقائها في برنامج العرافة.
وقالت بسمة وهبة، لحورية خلال الحلقة: خدتي واحد من مراته وسافرتي معاه العين السخنة ده يعتبر اللي عملتيه الكبائر ولالا؟، لترد عليها حورية: أكيد اللي تعمل كده يبقى من الكبائر، إنما أنا معملتش كده، وأسالي طليقة حسن هي اللي عارفة، وأنا معرفش هي ليه مطلعتش ونفت وقالت إن مش أنا اللي كنت مع جوزها، وبرضو مش عارفة ليه حسن طلع وكتبلي اعتذار طويل على الفيسبوك.
وتابعت: بصراحة زعلت جدا لأن ناس كتير عرفت مين هي اللي كانت معاه ومع ذلك مقالوش اسمها وفضلوا يتكلموا عليا، حرام كفاية ارحمي حورية كفاية كلام عليا، وكنت أتمنى يا بسمة انك تتكلمي وتقولي مش حورية، ثم أنا معنديش في العين السخنة شالية.
ومن الجانب الآخر أكدت: أولا اللي في البيت عندي ده ملوش علاقة بالجن ولا السحر.. أنا كنت اشتريت الشقة دي وكانت مقفولة لسنين طويلة لأنها كانت بتاعت الأستاذ محمد عبد الوهاب.
وتابعت: اشتريت الشقة 2013، في مرة كنت قاعدة في الشقة لاقيت الشغالة داخلة عليا بالغداء، وبقولها ليه جايبة الأكل دلوقتي، قالتلي حضرتك اللي طلبتي فاستغربت.
وأضافت: وفي مرة تانية لقيت في الصالة بنت صغيرة قاعدة، ومرة تالتة شوفت ولد صغير قاعد على السفرة، وكمان جرس البيت كان بيرن لوحده، في الأول خفت من الحاجات اللي بتظهر دي كتير.
اقرأ أيضًا: عانيت من الفقر.. تصريح مفاجئ من تامر حسني يثير الجدل على مواقع التواصل