كشفت الفنانة ياسمين عبد العزيز، عن كواليس مقلب لا تنساه قام به النجم أحمد السقا، أثناء مشاركتهما في بطولة مسرحية “كده أوكيه”.
وقالت ياسمين خلال حلولها ضيفة مع الفنانة إسعاد يونس في برنامج “صاحبة السعادة”: “في موقف حصل وأنا بمثل على المسرح، وطبعا أوضة الممثل في المسرح كإنها بيته بيفضل فيها 3 سنين ونص”.
مقلب أحمد السقا في ياسمين عبد العزيز يثير الجدل.. ماذا فعل؟
وتابعت: “أنا كنت داهنة أوضتي باللون النبيتي، ونزلت من المسرح دخلت الأوضة لقيت أحمد السقا رش الأوضة بالمساعدة بتاعتي وكل حاجة أبيض بطفاية الحريق”.
وأضافت: “رديت المقلب واستنيت لما دخل على المسرح وأخدت طفاية الحرية، ونزلت أوضته ورشيت الأوضة كلها وطلعت أجري”.
وأكملت: “بعد ما عرف فضل يلف عليا، وجريت دخلت أوضة الراقصات واستخبيت ورا الباب، وقلت لهم لو أحمد السقا جه قولوا إحنا بنغير هدومنا”.
وخلال اللقاء، كشفت ياسمين عبد العزيز عن سبب غضب الفنان أحمد حلمي منها ، بسبب اعتذارها عن مشاركته فى عمل سينمائي ، ومشاركتها بفيلم “تمن دستة أشرار” .
وقالت ياسمين: “لما عملت فيلم تمن دستة أشرار كان معروض عليا قدامه فيلم مع أحمد حلمي، ودوري من الجلدة للجلدة، واعتذرت عن فيلم أحمد حلمي، مع إني بطلع في الفيلم التاني في الاستراحة”.
وأضافت: “الموضوع مش بالكمّ الموضوع هل الدور مؤثر ولا لأ، وأنا عارفة إني في تمن دستة أشرار أول ما هطلع الناس هتضحك، وساعتها حلمي زعل وقال بترفضيلي فيلم”.
وتابعت: “أحمد حلمي لما زعل مني قال إزاي تعتذري وما تشتغليش معايا فقلت له أصل الدور عاجبني وفعلًا فيلم تمن دستة أشرار كسر الدنيا وعمل إيرادات كويسة، وبعد فترة بعد لما زعل مني بعد حوالي 10 سنين قال لي عارفة يا سمسم إن الفيلم عجبني وأنتى كنتي صح”.
اقرأ ايضا: