١٠ سنين أعمال مشتركة، غنوا في الحواري و الافراح الشعبية وهما من أول الناس التي غنت مهرجانات، أوكا و اورتيجا الناس كانت لا تعرف أن تفرق بينهم، وذلك لأنهما كانوا لا يفترقا، ونجحوا ان بقدموا أغاني باللون الخاص بهم.
فجأة خناقات .. و محاضر .. و خلاص مفيش اوكا و اورتيجا تاني .. ولاسباب كتيرة .. بس الفترة الاخيرة في كلام بيتقال انهم هيرجعوا يشتغلوا سوا مع بعض تاني .. ياترى الكلام ده حقيقي .. وليه أصلا انفصلوا .. خليكوا مركزين كده و تعالوا اقولكوا …
في عزا أبو مي كساب ..حضره ناس كتير من الفنانين و المغنيين .. بس اللي كان حضوره مميز و الناس ركزت عليه .. هو أحمد متولي أو أورتيجا .. و اللي من ساعة ما دخل العزا و الكل عاوز يشوف رد فعل اوكا و مي كساب .. ناس بتقول ان اوكا طنشه و مسلمش عليه أول ما دخل .. و ناس تانية بتقول ده مكنش واقف يستقبله .. بس الاكيد و اللي ظهر في الصور اللي انتشرت و الفيديوهات… ان اورتيجا فضل اخد أخر العزا .. و الاتنين سلموا على بعض عادي .. و مفيش اي تطنيش ولا حاجة ..
اوكا و اورتيجا كانوا اكبر مثال للفريق الناجح .. اللي بيغني أغاني غير اللي موجودة .. الصحاب مع بعض في أي شغل .. و اللي قدروا يحفروا بايدهم اساميهم عند الناس .. فجاة لقينا كل ده راح في الوبا .. و أوكا بقى لواحده و أورتيجا كمان .. واحد دلوقتي ناس كتير متعرفش بدايتهم كانت ازاي
في سنة ٢٠١٠ في اتنين بيحبوا الغنا و المزيكا المطرقعة قرروا يعملوا اللون ده بطريقتهم .. لكن مكانوش عارفين هيبدأوا ازاي .. والحماية بدأت من على سطح بيتهم في الأميرية .. يغنوا و يدربوا و يألفوا .. الناس حواليهم بدأت تسمعهم .. و يلا يا أوكا انت و اورتيجا تعالوا غنوا في الأفراح ..
و فعلا مفيش فرح شعبي في منطقتهم البسيطة الا وغنوا فيه .. و بقى ليهم اسم في غنا الافراح الشعبية .. و بدأوا يوسعوا المجال .. و عملوا المهرجانات .. بصراحة هما عملوا اغاني كتير سوا .. و منقدرش نقول حاجة واحدة بس اللي نجحت بس يمكن الناس بدأت تعرفهم من مهرجان هاتي بوسة يا بت و دلع بنات و في مهرجانات تانية كتير .. يعني من الأخر ركبوا الاكسبريس و طاروا ..
عملوا قناة على اليوتيوب ليهم همًا الاتنين .. و يموت الفرقة بتاعتهم باسم 8% .. و بدأ الزهر يلعب فعلا .. مشاهدات بالملايين.. وهما من أول الناس اللي دخلوا لعبة اليوتيوب .. و نجحوا فيه .. وفضلوا على الحال ده ١٠ سنين.. وخلال ال ١٠ سنين دول انضم ليهم ناس و سابوهم ناس و اتعرضوا لازمات و يمكن أشهرها أزمة حبسهم .. بس مشكلة التجنيد .. و اللي خرجوا بعدها و عملوا أغاني تاني و كملوا مشوارهم .
لحد سنة ٢٠٢٠ بدأ كلام كتير يتنطور ان في خلافات بين أوكا و اورتيجا .. و ان الاتنين خلاص مش هيشتغلوا سوا مع بعض تاني .. واللي زود الكلام ده ان اورتيجا عمل قناة لنفسه و لواحده على اليوتيوب .. ونزل عليها اول أغنية ايه و لواحده من غير أوكا .. وساعتها الناس اتاكدت ان في مشكلة .. بس محدش عارف ايه هي .
بس ناس قالت انهم اختلفوا على ارباح اليوتيوب .. و ان ديه بداية المشكلة .. و كبرت أما مرات كل واحد فيهم دخلت في الحوار .. خصوصا ان اورتيجا و مراته عملوا محضر ضد مي كساب و اوكا جوزها .. و اتهمهم فيه بالسب و القذف ..وان محاولات الصلح بينهم فشلت حتى و هما في القسم ..
و من بعدها بدات مي كساب تنزل بوستات عن الظلم .. و كل الكلام ده .. لحد ما اورتيجا عمل فيديو و نزله عنده و قال انه بيعلن انفصاله الفني عن اورتيجا .. و ان اللي حصل ده بسبب ناس قريبين منهم بس مش بيتمنوا الخير ليهم .. و ان علاقتهم الانسانية حاجة و المهنية حاجة تانية .. و اوكا هيفضل اخويا وعشرة الايام الحلوة و الصعبة ..
وفعلا كل واحد فيهم عمل اغاني لواحده و شغل لواحده .. و لو حد فيهم اتسال هترجعوا تاني الشغل سوا ولا لا .. الاجابة بتبقى لا ومن غير تفكير .. بس في الايام الاخيرة ديه .. في كلام بيتقال انهم هما الاتنين هيرجعوا يشتغلوا سوا تاني مع بعض .. و خصوصا بعد وجود اورتيجا في عزا أبو مي كساب .. و المرة ديه محدش فيهم لا أكد و لا أنكر الكلام ده .. وده اللي مخلي الناس تقول اكيد هيرجعوا تاني و يشتغلوا سوا .. بس يا ترى هل الكلام ده صح ولا لا .. هنعرف الايام اللي جاية .