علق الفنان صلاح عبد الله، على واقعة تعدي سائق أوبر على فتاة جنسيًا ومحاولة خطفها في منطقة مدينة نصر بالقاهرة، موضحا أنه طلب من بناته وزوجته إلغاء التعامل مع الشركة.
وأعلن الفنان الكبير صلاح عبدالله، أنه وجه رسالة إلى زوجته وبناته بضرورة إلغاء التعامل مع شركة أوبر في رحلاتهم أو تنقلاتهم، مطالبا إياهم بتطبيق ذلك مهما كانت ظروفهم.
وأضاف الفنان صلاح عبدالله، في تدوينة له عبر صفحته على موقع التدوينات القصيرة إكس، قائلا: بعد ما شفت حكاية عمرو أديب.. بعت رسالة لبناتي ومراتي على جروب العائلي.. “إلغوا أوبر من حياتكم مهما كانت الظروف”.
واختتم الفنان صلاح عبدالله، تدوينه بتساؤل لجمهوره ومتابعيه عبر موقع التدوينات القصيرة إكس، عن قراره الذي اتخذه تجاه شركة أوبر قائلا: فهل تصرفت صح؟
أطلقت الفنانة عبير صبري من خلال صفحتها على موقع فيس بوك، مبادرة لإلغاء التطبيق الخاص بشركة أوبر بعد تكرار حوادث الاعتداء على الفتيات.
وأضافت قائلة: أنا كتبت البوست ده وعاوزه نعمل حملة.. علشان مقاطعه أوبر.. ساعدوني في نشر البوست بتاعي.. وطلبي إن البنات في مصر تعمل حملة لإلغاء الأبليكيشن ده لأنه أصبح خطرا علينا كلنا وممكن أي بنت وست فينا تتعرض لنفس مصير حبيبة والبنت بتاعت النهارده وغيرها
وتابعت: هي أوبر دول مسؤولية مين؟.. يعني اللي بيشغلهم مين.. الكبير بتاعهم مين؟؟.. هل هما شركة بتشتغل مع نفسها كده بيزنس خاص يعني..وإذا كان كده فين الرقابه عليهم ؟ مفيش رقابة عليهم ليه؟؟
واختتمت حديثها قائلة: ليه مفيش كاميرات في العربيات دي زي دبي في أي تاكسي ولا البنات هتفضل كل يوم يخطفوهم ويموتوهم ويتحرشوا بيهم وويعتدوا عليهم ويغتصبوهم ؟؟؟؟.. ازاي مفيش حل مع المجرمين دول لازم السواقين دول يكونوا تحت مسؤوليه وزاره الداخلية أقل شيء بعد الجرايم المتكرره دي ارجو ان تتضامن النساء في مصر للمطالبه بغلق هذا الابليكيشن.