ردت الإعلامية أسما شريف منير، على الانتقادات التي تعرضت لها الساعات الماضية، بسبب قيامة بحلق شعرها بالكامل، وذلك خلال مداخلة هاتفية ببرنامج “اَخر النهار” المذاع على قناة “النهار”.
وقالت أسما عن والدها الفنان شريف منير: “هو بيتحمل حاجات ملهوش علاقة بيها لمجرد إنه بابا، هو ذنبه إيه حتى لو عملت حاجة غلط، ليه بتحملوها أي حاجة خاصة بيا ليه، هو وقف دعمني ووقف في ضهري وأنا مكنتش عارفة رد فعله وهيعمل إيه لإني قررت الموضوع وأنا في الكوافير”.
أسما شريف منير توجه رسالة قوية لوالدها
وتابعت: “المتابعين وصلوا إنهم بيحاولوا يسخنوا أبويا عليا وتعالى شوف بنتك ويعملوله تاج وساعات بلبس لبس هو كراجل شرقي مبتبقاش عجباه، ويقولي شيلي الصورة فبشيلها ويقولي اللبس ده مش عاجبني ومتلبسيش الحاجة دي تاني وبسمع كلامه وكل ده بيحصل في البيوت”.
وأضافت: “مش عارفة ليه عايزين يبوظوا علاقتنا ببعض وهو شخص ليه طاقة والموضوع بيوصل لفكرة التحريض عليا، ولكن في النهاية رسالتي لبابا إني بشكره إنه قدر يتفهم اللي عملته رغم قسوة اللي اتقال”.
وفي وقت سابق، كشفت أسما عن السبب الحقيقي وراء قيامها بهذا الفعل قائلة: «شعري بقاله فترة بيقع جامد، ده غير أن من كتر العمايل اتحرق وبقي مش صحي خالص، غير الغده وتأثرها عليه”.
وأضافت: “قررت انفذ قرار كان بقالي كتير اوي نفسي اخده، ابدًا من جديد، احرر نفسي، افتح صفحة جديدة، حقيقي هو قرار صعب جدًا بس حسسني بقوة وتفاؤل».
وتابعت: «رميت ورايا حاجات كتيرة اوي بمجرد اني شلت شعري، قلبي كان بيدق جدًا وبعديها حسيت اني مليانا ادرينالين.. خطوة جريئة ومرعبه بس حسه اني طالعة منها بدرس».