الشخص الذي يحاول أن يؤذيها ، الإعلامية سالي عبدالسلام فتحت باب شقتها وجدت على السلم شئ غريب عمرها كانت تتخيله.. بتشغل سورة البقرة باستمرار ولا تعرف من الذي فعل فيها هذا وما السبب .
يا ترى إزاي اكتشفت الشخص اللي عمل فيها كده؟.. وإزاي عانت تغيرات في جسمها بسبب الأذى اللي حصل؟.. هل بقت مهددة تغيب عن برنامجها؟.. حكاية ولا في الخيال.. وده اللي هيكون موضوعنا في الفيديو اللي معايا.
سالي عبد السلام نشرت فيديو على حساباتها في مواقع التواصل الاجتماعي عشان تحكي معاناتها دي للجمهور واللي أصلا حاصلة من زمان بس هي مكانتش بتطلع تتكلم ولما فاض بيها الكيل قالت أنا لازم اتكلم أحسن يجرالي حاجة.
وأول ما اتكلمت المتابعين قالوا إن اللي عمل كده فيها حد من جوه البيت ولازم تراقب الموضوع ومتسكتش وتقرأ سورة البقرة باستمرار وتشغلها في البيت عشان تكتشف اللي عمل كده وتلاقي تغيير في حياتها.
سالي عبد السلام حكت إن حصل حاجة غريبة بقالها فترة بتحصل في بيتها ومعرفتش مين بيعمل كده ولا راضي ليها الأذية.. هي عملت سيرش في جوجل طلع معمول عمل لدرجة إنها لسه ما قالتش حاجة لأهلها وعشان كده طلبت من الجمهور يساعدني لو يعرف عشان هي خلاص تعبت وكل مرة بتلاقي حاجات غريبة عند عتبة البيت.. يعني قبل كده لقت قطة عضمها متكسر ومش عايشة أصلا وفي جوه بوقها ورقة.
وإنها من كام ساعة وهي نازلة من بيتها لقيت كيس فيه حاجة خصوصية جداً ليها علاقة بالراجل وبلاش نقول بشكل صريح وانتوا افهموا التلميح.. واللي شافته ده كان مرمي قدام الباب جوه البيت.
وبعدين سالي عبد السلام كتبت في تعليق ليها على الفيديو بتقول إن الموضوع طلع زي ما هي اكتشفت فعلا على جوجل إنه معمول عمل وإنها زهقت وتعبت من اللي بيحصل ده وكمان قالت إن جسمها مكانش مظبوط ومتلخبط جداً كان فيه تنميل وعندها صداع ومش مصدقة في إيه اللي بيحصل وطلعت على الهوا تقدم برنامجها بالعافية.. لدرجة إنها كان ممكن متطلعش أصلا.
سالي عبد السلام عايشة في بيت عيلة وعندهم أشخاص كتير موجودين معاها وده اللي خلى عدد كبير من الجمهور يقولها إن اللي عمل كده من جواها ولازم تحط كاميرات عشان تكشف المستور.. بالذات لما قالت في تصريحات ليها نقلها موقع القاهرة 24 الإخباري إنها خايفة تروح لشيوخ ومفيش فرض بيفوتها وبتشغل سورة البقرة علطول في البيت.
وإن ده مش أول مرة يحصل كده دي قبل ما تتجوز بسنة ونص جالها ثعلبة وفي ناس كتير قالتلها إنها بسبب الأعمال اللي بتتعمل لكن هي مصدقتش حد ومقتنعتش بالكلام ده وقالت إنها خايفة ومش ضامنة حد.. في الحقيقة إن اللي حصلها ده حاجة تجنن العقل وتخلي الواحد يفكر كتير في الموضوع.
سالي عبد السلام اتجوزت في أكتوبر سنة 2022 وقالت وقت الجواز إنها طول عمرها كان نفسها تتجوز ضابط محترم وطيب وبيخدم الناس لله وربنا رزقها بظابط مهندس اسمه المقدم مؤمن الباز ابن عمدة الشرقية الحاج سالم الله يسعده.. وحكت كمان وقتها صبرنا أنا ومؤمن 36 سنة وهو صبر 4 أيام أكتر لأنه هو أكبر بـ4 أيام وكل المعلومات اللي قالت إنه رجل أعمال وخريج الجامعة الأمريكية ده مش حقيقي ده محدش هيصدق عرفنا بعض إزاي.. تفتكروا اللي عمل كده في سالي عبد السلام حد غريب ولا من جوه الليت؟.. شاركوني برأيكم في التعليقات.