لماذا اسم رجل الأعمال أحمد أبو هشيمة مرتبط دائمًا بالفنانات وما حكاياته معهم.. طبعًا كلنا نعرف قصة زواجه من هيفاء وهبي وياسمين صبري.. لكن يوجد فنانات أخرى اسمهم ارتبط بأبو هشيمة فمن هما؟.. أبرزهم الفنانة مي عز الدين التي قيل عنهم كلام كثير.
لكن يا ترى ليه رفض يتجوزه؟.. وهل صحيح أتجوز أخت الدون كريستيانو رونالدو وإيه قصة حبه مع المطربة اللبنانية ميريام فارس؟.. يلا بينا في الفيديو ده عشان أقولكم كل التفاصيل دي.
هو من وقت ما اتجوز أحمد أبو هشيمة هيفاء وهبي وبقت ساحة الفن دي ملعبه عشان بعد انفصالهم علطول اسمه بقى معروف في الوسط الفني أصل مكانش حد يعرفه ولا هو يعرف حد والدليل إن اسمه مرتبط بنجمات كتير إن جوازته اللي بعد هيفاء كانت من فنانة بردوا وهي ياسمين صبري.. طبعًا في فنانات تانيين هنقولكم مين هما لكنه ليه حكاية مثيرة جدًا مع مي عز الدين لدرجة إنه رفض يتجوزها.. كمان ليه حكاية كده ميريام فارس ولحد دلوقتي في توقعات كتير إن العروسة الجاية تكون من جوه الوسط الفني.
3 جوازات رسمية
أحمد أبو هشيمة اتجوز 3 مرات رسمي الأولى من أم ولاده واتجوزها وهو صغير كان لسه شاب عنده 22 سنة وبيبدأ حياته وهي كانت زميلته في الكلية وخلف منها ولدين سماهم عمر ويوسف وبعد فترة اتطلقوا.
وسنة 2009 قرر أحمد أبو هشيمة يدخل الوسط الفني وشاف الفنانة هيفاء وهبي في فرح عجبته وعجبها واتخطبوا وبعد فترة اتجوزوا رسمي وقعدوا 4 سنين واتطلقوا.. وسنة 2020 اتجوز الفنانة ياسمين صبري وكانت جوازتهم بردوا عاملة قلبان على السوشال ميديا لكن بردوا هما سنتين ومبقاش حد فيهم موجود في حياة التاني.
الشهرة وعالم الفنانات
بعد الجوازتين من الوسط الفني بقى اسمه معروف وعشان كده اسمه ارتبط بفنانات أولهم كانت الفنانة العراقية شذى حسون واللي وقتها كانت بدأت تتشهر وجت عاشت في مصر وطلعت إشاعة إنهم على علاقة مع بعض.. بس شذى مسكتتش ونفت كل الكلام ده وقالت هو أنا جاية أعيش في مصر هتجوزوني أنا جاية اشتغل وبس ومفيش بيني وبين أبو هشيمة حاجة.
اعتذار وخلع
وأبو هشيمة كان ليه قصة كده مع مي عز الدين هقولكم عليها لكن بعدها اتفاجئ بتعليقات من ناس عمالين يباركوله إنه اتجوز الفنانة المغربية رجاء قصابني ودي اللي خلته اتصدم وقال إيه ده أكيد الكلام ده أنا معرفش مين دي ولا بتعمل إيه ولا عمري شوفتها في حياتي؟.. الموضوع مخلصش هنا ورجاء كتبت على فيسبوك إنها فعلًا مخطوبة لرجل أعمال مقالتش اسمه والناس هما اللي ربطوا وجابوا اسم أبو هشيمة في النص واعتذرتله وقتها عن سوء الفهم ده.
الخاتم وأخت كريستيانو
قبل جوازة أبو هشيمة من ياسمين صبري اسمه ارتبط بأخت لاعب كرة القدم كريستيانو رونالدوا وده كان سنة 2017 وكل ده عشان عيلة الدون جت على مصر وقضوا أجازة طويلة مع بعض وأبو هشيمة يبقى صاحبه وزيارة من هنا على صورتين من هنا قالوا اتجوز كاتيا أخت الدون.. ووقتها كمان كانت كاتيا نشرت صورة خاتم خطوبة وده اللي عزز الشائعة لحد ما طلعت أخت كريستيانو ونفت الكلام ده وقالت إنها مش مرتبطة بأي حد ولما يحصل هتقول.
مشروع فاشل
سنة 2015 بدأنا نشوف مي عز الدين وأبو هشيمة في مناسبات كتير مع بعض وصورهم كانت بتنتشر بشكل غريب لحد ما اتسرب خبر ارتباطهم وإنهم بيجهزو لجوازهم بس بعد فترة أبو هشيمة طلع ونفى اللي بيتقال وإنه مش بيفكر في الارتباط دلوقتي وكل اللي بينه وبين مي عز الدين علاقة صداقة قوية.
طبعًا هو قال صداقة بس الناس عارفة إنهم كانوا هيتجوزوا فعلًا.. والحقيقة اللي حصلت وقتها إنهم ارتبطوا وكان في مشروع جواز لكنه فشل وهو كان بيحبها وهي كانت بتحبه بردوا بس مكانش في بينهم اتفاق في حاجات كتير والجوازة باظت قبل تبدأ.
قصة ميريام فارس
أحمد أبو هشيمة بيكراش على ميريام فارس ودي كانت الحكاية لما صفحات على السوشال ميديا جابت السيرة وبيقولوا إيه اللي يخليه يعمل كده وهي ست متجوزة.. المهم وقتها انتشرت صورة فيها رسالة بعتها أبو هشيمة لصفحة بإسم ميريام فارس والرسالة فيها وردتين حُمر وإن ميريام ردت عليه وقالت: “أحمد ابو هشيمة جوز هيفا وهبي السابق باعتلي ع الخاص”.. الكلام ده كان سنة 2018 ومحدش عارف هو صح وحصل أصلا ولا لأ.. بس غالبا هي صفحة مزيفة وكانت بتعمل حبة شو.