هل تعلم أن كلها أيام واسعار خدمات المحمول كلها ستتغير وسعرها سيزيد، نعم للاسف هذه حقيقة وهذا لأن شركات المحمول الأربعة يستعدوا الآن لرفع أسعار خدماتهم وهذا بعد موافقة الجهاز القومي لتنظيم الاتصالات
بس ياترى ايه الخدمات اللي أسعارها هتزيد؟ وهتزيد قد ايه؟ وليه خدوا القرار ده دلوقتي؟ وياترى مجلس النواب علق وقال ايه على القرار ده؟
كلام كتير انتشر الفترة الأخيرة عن اتجاه شركات المحمول عن رفع أسعار خدماتهم زي كروت الشحن والباقات وغيرها من الخدمات، بس لحد دلوقتي محدش عارف هل دي فعلا حقيقة ولا اشاعة زي ما كان بيتقال؟
بس واضح كده انها المره دي حقيقة والشركات فعلا هترفع أسعارها الفترة الجاية، وده لأن شركات الاتصالات بتستعد دلوقتي لتطبيق زيادة جديدة فى أسعار خدماتها خلال الفترة المقبلة
وده بعد ما شركات المحمول الأربعة انتهت من الاتفاقات النهائية مع الجهاز القومى لتنظيم الاتصالات، ودلوقتي جاري تحديد نسبة الزيادة وبعدها هيام تطبيق زيادة أسعار خدمات الاتصالات بحجم تأثر الشركات بعد تغيير أسعار العملة وأسعار الكهرباء
وحسب مصدر مطلع لجريدة الفجر، أن الارتفاع المتتالي في سعر الدولار أدى لارتفاع التكاليف بشكل كبير وده أثر على مستوى الخدمة وعلى ميزانيات الشركات اللي شغالة في السوق المصري بنسبة وصلت ل50%
وده خلى الشركات تطالب الجهاز القومي لتنظيم الاتصالات بالنظر في تحريك أسعار خدمات الاتصالات في مصر خصوصا وأنه متمش تحريكها من6 سنين لان أخر تحريك كان في سنة 2017
وقال كمان أن السيناريوهات المطروحة لتحريك الأسعار كتيرة ممكن توصل ل 5 سيناريوهات، منها تحريك أسعار دقايق المحمول واستمرار أسعار خدمات الإنترنت زي ماهي، او رفع أسعار خدمات الإنترنت واستمرار أسعار دقايق المحمول زيما هي،رفع أسعارهم هما الاتنين
وقال إن لحد دلوقتي نسبة الزيادة متحددتس لكن عموما الزيادة مش كبيرة، ومش هتاثر على ميزانية المواطن، وان تحريك أسعار خدمات الاتصالات هيساعد الشركات في تحسين مستوى الخدمة بجانب أنه هيمتص جزء من الارتفاعات المتتالية لسعر الدولار واللي حصل اكتر من مرة على مدار السنة اللي فاتت ومتوقع حدوثه مرة تانية وده كان ليه اثر كبير على الشركات وقوائم أعمالها
بس القرار ده قلب الدنيا في البرلمان وخلى النواب يتكلموا اللي كان منهم النائب محمود قاسم إن الحكومة نفسها تتدخلت لتأجيل رفع اسعار فواتير الكهرباء لتخفيف الكاهل على المواطنين، فازاي تسكت على محاولات شركات المحمول لزيادة ورفع أسعار خدمات المحمول والانترنت فى الوقت ده اللي ارتفعت فيه الاعباء المعيشية بصورة كبيرة مش في مصر بسولكن على مستوى العالم بسبب استمرار التداعيات السلبية والخطيرة الناتجة عن الازمة المالية العالمية
وقال أنه كان من الأولى أن الحكومة تدخل وتجبر شركات المحمول على تحسين خدمات المحمول والانترنت اللى بقت سيئة جدا خاصة فى المناطق الحدودية والنائية والقرى والريف المصرى
عشان كده طلب من وزير الاتصالات وتكنولوجيا المعلومات عدم الاستجابة نهائيا لمطلب شركات المحمول برفع اسعار خدمات المحمول والانترنت خاصة في الوقت ده
ودلوقتي قولنا رايك في قرار شركات المحمول؟