أسعار الذهب الآن أصبحت حديث الكل، وخصوصا إنه بعد إعلان الفيدرالي الأمريكي تثبيت سعر الفايدة، ظهرت توقعات كثيرة بارتفاع سعر الذهب، لكن ما حدث هو عكس التوقعات وانخضت الأسعار محليا وعالميا.
وده خلى ناس كتير تسأل، هو مصير الدهب إيه الفترة الجاية؟ وياترا الفيدرالي ممكن يرفع الفايدة في اجتماعه الجاي؟ وأسعار الدهب وصلت لكام دلوقتي؟
كل ده وأكتر هتعرفه بس تابعنا في الفيديو ده..
سكربيت..
خلال الأيام الأخيرة البنك الفيدرالي الأمريكي أعلن عن تثبيت سعر الفايدة، القرار ده قلب الدنيا وده لأن هيأثر على أسعار معظم السلع عالميا، واللي أهمها أسعار الدهب.
بص ياسيدي، بحسب تصريحات هاني ميلاد رئيس شعبة الدهب باتحاد الغرف التجارية، في برنامج المصري أفندي، إن رغم قرار الفيدرالي الأمريكي بتثبيت سعر فايدة إلا إن أسعار الدهب محليا وعالميا اتراجعت
وده بسبب حدوث بعض التغييرات في الآونة الأخيرة زي إعلان البنك الفيدرالي عن استمراره لرفع سعر الفايدة لحد أخر السنة
وقال كمان إن في تذبذب في الأسعار عالميا بين ارتفاع وانخفاض وده انعكس على السوق في مصر
ولما اتسأل عن توقعاته لأسعار الدهب الفترة الجاية؟
رد وقال إن بعد قرار الحكومة بالسماح للقادمين من الخارج الدخول بالدهب من غير جمارك ده أدى لزيادة المعروض وانخفاض أسعار الدهب خلال الفترة الأخيرة، عشان كده مصر دلوقتي بقت تمشي بالتوازي مع السعر العالمي
يعني لو الدهب ارتفع عالميا هيرتفع في مصر و لو انخفض هينخفض
وقال كمان إنه ميقدرش يحسم مسألة ارتفاع أو انخفاض أسعار الدهب عالميا خلال الفترة المقبلة، لأن وارد جدا أن أسعار الدهب تستقر أو ترتفع
وبحسب التقرير الفني لجولد بيبليون، اللي نشره اليوم السابع، أن مخطط أسعار الفايدة اللي بيطلعه البنك الفيدرالي كل 3 شهور ظهر إن أعضاء البنك أتوقعوا برفع الفايدة نهاية العام الجاري عند مستوى 5.60%
وده معناه إن الفايدة هتترفع مرتين على الأقل بمقدار 25 نقطة في كل اجتماع وفقا لتوقعات السوق، وده بعد ما الفيدرالي قرر يثبتها خلال اجتماعه الأخير عند 5.25% للمرة الأولى بعد 10 اجتماعات متتالية من رفع الفايدة.
هيفضل سؤال مهم واللي محير كل المصريين: ده افضل وقت للشراء ولا للبيع؟
هاني ميلاد قال ان ده وقت مناسب جدا للشراء، ومفيش فرصه احسن من كده، بس اللي سبق واشترى ما يبيعش ويحافظ على الذهب اللي معاه في انتظار ارتفاع الاسعار بعد كده، لان الدهب استثمار طويل وعشان تكسب فيه محتاج وقت لكن في الاول والاخر الدهب عمره ما خذل حد
بس يا ترا أسعار الدهب وصلت لكام بعد تثبيت سعر الفايدة؟
أنا أقولك، خلال الايام والساعات الأخيرة حصل انخفاض كبير في سعر الذةدهب لدرجة ان سعر الجرام عيار 21 الاكثر مبيعا انتشارا في مصر سعره نزل تحت مستوى ال 2200 جنيه.وكمان الجنيه الدهب بقى سعره تحت 17500 جنيه وده الجنيه اللي وزنه حوالي 8 جرامات عيار 21 .
ودلوقتي قولنا توقعاتك انتم كمان لأسعار الدهب الفترة الجاية.