ذهبت لنهايتها برجليها، كانت في طريقها لعملها فى المحكمة .. فاجأة حياتها انتهت على الطريق هى وواحدة معها .. واقعة مأساوية للمحامية المصرية أميرة جمال.
ايه تفاصيل اللي حصل مع أمير ؟ .. وايه سر حب كل المحاميين ليها ؟.. كل ده وأكتر هنعرفه مع بعض فى التقرير التالي:
أى محامى فى مصر حاليا فى الأغلب هتلاقيه حزين وزعلان بعد اللى حصل فى زميلته المحامية الجدعه أميرة جمال، أغلب أن مكنتش كل صفحات المحامين دلوقتى على فيس بوك بتتكلم على المحامية أميرة جمال.
أميرة للأسف حياتها انتهت امبارح فى واقعة مأساوية جدا، كانت فى طريقها للمحكمة الاقتصادية بالقاهرة الجديدة ومره واحده اصطدمت بها عربيه هى وواحده كانت معاه فى الطريق وعليها أنتهت حياه الأتنين، الله يرحمهم ويصبر أهلهم على اللى حصل.
وفقا لكلام شاهد عيان مع موقع القاهرة 24 الإخبارى فا اميرة كانت رايحه المحكمة لحضور جلسة ومره واحده حصل اللي شفناه ده، وكان فيه محاولات من الأسعاف أنه يلحق أميرة لكن مقدروش وملحقوش أنهم يعملوا معاها حاجه، كانت خلاص حياتها انتهت فا اخدوها على المستشفى على ما اهلها راحوا استلموها منها عشان تتم باقى الإجراءات وتروح أميرة لمثواها الأخير.
خلال الفترة اللى أهل المحامية أميرة كانوا شغالين أنهم يطلعوا تصريح تشيعها لمثواها الأخير، وقتها كانت الشرطة المصرية شغاله أنها تجيب العربية اللى عملت فيها كده هى بالسائق اللى كان فيها، عشان طبعا يتحقق معاه ويتعرف كواليس الواقعة وإن كان فيه حاجة مقصوده منها ولا لأ.
اللافت فى واقعة المحامية أميرة جمال أن تقريبا كل المحامين أو العاملين فى مجال القضاء فى مصر، كلهم زعلانين عليها، بوستات وصور مالية التايم لاين على فيس بوك، كلها بتتكلم عنها وعن أنها أزاى كانت مثال للأدب والأخلاق ومثال للمحامية اللى على حق، كانت جدعة ومثال للشرف والأمانة ولأى محامية أو حد جديد عايز يدخل سكة المحاماة والقضاء.
نقيب المحامين بنفسه ورئيس اتحاد المحامين العرب الكل اتكلم عنها وكتبوا فيها كلام فى غاية اللطف والود، وغيره النقيب فيه محامين تانيين كتير وناس من اصحاب ومعارف أميرة على السوشيال ميديا كلهم كتبوا فى حقها كلام يفرح جدا ويبسط أهلها والناس القريبة قوى منها، الكل اتكلم على جدعنتها وأمانتها الشديدة فى التعامل والحرص أنها تساعد الغلبان وتمشى فى الحق وتاخد من الظالم وتدى للمظلوم حقه، كله عن طريق عملها فى المحاماة والقانون، كله بالقانون يعنى.
المحامية أميرة اللى الله يرحمها أصلها أصلا من محافظة الشرقية وخريجة كلية الحقوق جامعة الزقازيق وهى متزوجه وشغاله فى المحاماة فى طريق عملها فى أحد مكاتب المحاماة الشهيرة فى القاهرة، وطوال الفترة الأخيرة كانت عايشة فى القاهرة مع زوجها وأسرتها الجديدة.
لحد هنا نكون وصلنا لنهاية الفيديو وقبل مانقفل طالبين منكم انكم تدعوا للمرحومة أميرة أن ربنا يرحمها ويرزقها الجنه باذن الله ويصبر أهلها على اللى هما فيه.