بقسط 150 جنيه في الشهر.. ستحصل على اسرع وأسهل قرض في حياتك..لا تفكر كثيرا لأن من الآن سوف تتمكن من سداد ديونكإن قدمت على هذا القرض والذي من أهم مميزاته أنه بدون فوائد.
لكن إيه تفاصيل القرض ده؟ ومين الجهة اللي بتقدمه؟ ومين الفئات المسموح ليها أنها تقدم عليه؟ وقيمته قد ايه؟ وايه هي الشروط والأوراق المطلوبة؟
ملايين من المواطنين بدأو يتجهوا دلوقتي للقروض عشان يواكبوا الظروف المعيشية، لكن بيكون في حيرة عن افضل قرض ممكن يقدموا عليه يكون بابسط الإجراءات وأقل التكاليف.عشان كده وزارة الأوقاف أعلنت عن قرض جديد للمواطنين، تقدر تقول عليه كده أنه لقطة، بس إيه تفاصيل القرض ده؟
شوف يا سيدي، حسب موقع فيتو، وزارة الأوقاف كانت أعلنت عن قرض حسن من غير أي فوائد ولا رسوم ولا اي مصروفات
القرض ده بقى متاح لأكتر من فئة أولهم العاملين في وزارة الأوقاف بس ده بشروط زي أنه يكون مر على تعيينك خمس سنين وساعتها هيكون مبلغ القرض بحد أقصى 15 ألف جنيه، بس لازم متجمعش بين القرض ده وأي قرض تاني.
ولازم ميكنش عليك اي قرض من الأوقاف مكملتش اقساطه،يعني هتقدر تجدد طلب القرض غير أما تسدد اللي عليك ولازم يكون متبقي في فترة الخدمة بتاعتك على الأقل 3 سنين عشان تقدر تاخد القرض.
انت كمان لازم تعرف أنه بيتم خصم مبلغ 300 جنيه شهريا، على 50 شهر، وبيكون عدد شهور الخصم حسب المبلغ اللي تم صرفه.
طب لو انت مكملتش خمس سنين على تعيينك ومحتاج القرض تعمل ايه؟
هنا وزارة الأوقاف حلتهالك وقالت انك ممكن تاخد القرض عادي بس بشرط أن ميقلش مدة خدمتك عن 3 سنين، بس ساعتها المبلغ هيكون 6 آلاف جنيه بتتخصم على 40 شهر بمعدل 150 جنيه كل شهر.
القرض ده كمان متاح لموظفين القطاع العام، لكن هيكون بحد أقصى عشرة آلاف جنيه، وهيتخصم منهم 300 جنيه شهريا، بس بشرط ان المدة المتبقية في خدمتك لازم متقلش عن 3 سنين، ومدة خدمتك متقلش عن 15 سنة خدمة متصلة.
انت كمان بتقدم إقرار بقبول تحويل المرتب لأي فرع من فروع بنك مصر، ولازم متجمعش بين القرض ده وأي قرض تاني أو تكون مديون بفيزا مشتريات، انت كمان متقدرش تطلب القرض إلا بعد سداد قيمة القرض اللي قبله.
أما لو انت موظف وعايز مبلغ اكبر شوية فأنت عندك القرض الشخصي من البنك الأهلي لموظفين القطاع أو الحكومي الخاص أو الحكومي بفترة سداد 12 سنة وتمويل بيوصل ل3 مليون جنيه بضمان تحويل المرتب.
بس انت لازم تجيب بعض الأوراق عشان تقدر تاخده زي أنه يكون معاك خطاب معتمد من جهة العمل فيه قيمة الدخل الشهرى وتاريخ التعيين، وتعهد من جهة العمل بتحويل المرتب أو القسط للبنك لحد ما تنتهي من سداد القرض.
انت كمان بتقدم صورة البطاقة بس.ده كله بشرط أن سنك ميقلش عن 21 سنة وميزيدش عن 60 سنة في نهاية التمويل
ودلوقتي قولنا رايك في قرض وزارة الأوقاف؟