ستحصل على 3 مليون جنيه، بدون ضامن وبأقل فائدة وأسهل إجراءات، لكن يا ترى في أي بنك ؟ إن كنت تريد قرض يصل إلى 3 مليون جنيه وبدون ضامن وبأسهل الغجراءات فتابعنا في التالي:
كتير مننا نفسهم يفتحوا مشروع يساعدهم في الظروف الاقتصادية وغلاء الأسعار اللي شايفينه، بس للاسف ده محتاج راس مال كبير جدا، فالموضوع بيكون صعب بدرجة كبيرة
عشان كده اكتر من بنك في مصر أعلن عن القرض الشخصي اللي هتقدر من خلاله تفتح مشروع أو تشتري شقة ولا عربية أو حتى تفك زنقتك بيه، زي بنك ناصر الاجتماعى اللي أعلن عن القرض الشخصي للموظفين
قيمة القرض ده بحد أقصى 75% من المرتب أو المعاش، بس خالي بالك القرض ده متاح للموظفين بالعقود الدائمة بس مش للعاملين بنظام العقود المؤقتة
وبالنسبة بقى لفائدة القرض فهي بتوصل ل11% في حالة توفر ضامن حكومي، و11.7% في حال عدم توفر ضامن حكومي.
بس مش اي موظف يقدم عليه لا ده لازم تنطبق عليه بعض الشروط زي أنه يكون مر على تعيينك 5 سنين عشان ده هيكون دليل أنه مستقر في وظيفته، وبتقدم كمان رقم تأميني صالح عشان يكون دليل على هويتك وتأمينك الاجتماعي
ولازم تقدم صورة بطاقة الرقم القومي ووصل مرافق حديث وبيان بمفردات المرتب، وبيان بالحالة الوظيفية
بعد ما تجمع كل الاوراق دي بقى هتروح على البنك ناصر وتقدملهم كل الاوراق وبعد ما يرجعوها ويتاكدوا من صحتها هيصرفولك القرض
و لو عايز مبلغ اكبر شوية فعندك القرض الشخصي من البنك الأهلي وبيتقسموا لاربعة فئات الاولى بضمان تحويل المرتب أو القسط، والتانية بدون ضمان تحويل المرتب والقسط كمان بيقدم القرض لأصحاب المعاشات و لأصحاب المهن الحرة.
بس خلينا نبدء بالقرض شخصي بضمان تحويل المرتب وده متاح لموظفين الهيئات الحكومية وهيئات القطاع العام والأعمال العام وشركات قطاع البترول بقيمة 2.5 مليون جنيه بضمان تحويل المرتب و3 مليون جنيه بضمان تحويل مكافأة نهاية الخدمة، وعلى مدة سداد 12 سنة
وعشان تاخد القرض بتقدم خطاب معتمد من جهة العمل مكتوب فيه الدخل الشهرى وتاريخ التعيين، و تعهد من جهة العمل بتحويل المرتب أو القسط للبنك لحد ما فترة السداد تخلص وطبعا صورة البطاقة الشخصية، بس لازم عمرك ميقلش عن 21 سنة وميزيدش عن 60 سنة في نهاية التمويل.
أما سعر الفايدة فهو بيتراوح بين 21.5% و 22% سنويا متناقصة لموظفين القطاع العام، وبتوصل لموظفين القطاع الخاص بضمان تحويل الراتب ل24%.أما بقى لو القرض بدون ضامن فقيمته بتوصل ل750 الف جنيه وبتقدم نفس اوراق القرض اللي بضامن
ولو انت من أصحاب المهن الحرة فهنا قيمة القرض بتوصل لمليون جنيه، وعلى مدة سداد بتوصل ل10 سنين، وطبعا لازم تقدم صورة بطاقة الرقم القومي وعمرك ميزيدش عن 65 سنة في نهاية التمويل.
وبتقدم كمان تعهد بتحويل المعاش على البنك طول فترة التمويل. بس لو انت من أصحاب المهن الحرة بقيمة القرض هتوصل لحد 2 مليون جنيه وعلى فترة سداد بتوصل ل7 سنين
ودلوقتي قولنا إيه أحسن قرض تقدم عليه؟