مازالت أزمة السجاير تسيطر على الاسواق، والآن الكلام كثر عن الفواتير الاليكترونية علي علب السجائر وأيضا الغش فيها من التجار.
وطبعا زمانك بتسأل دلوقتي هو إيه الموضوع ؟!وايه الفواتير الإلزامية الاليكترونيه دي ؟! أكيد حاسين بحاجه مريبة في الحكاية طب عشان تبقي ملم بالموضوع وقلبك يرتاح تابع الفيديو ده للنهاية ..
بعد مشكلة أزمة ارتفاع أسعار السجاير بشكل غير طبيعي الفترة اللي فاتت ..بدأت الناس تتكلم عن حاجه تانية خالص تخص السجاير برضه ولكن المرة دي كان الكلام عن فواتير المشتريات واللي هي الفواتير الإلكترونية واللي المفروض بقت دلوقتي موجوده بشكل إلزامي علي كل الأشخاص التجار.
طب ليه الدولة ألزمت الناس بالفاتورة الاليكترونيه ؟!
حسب مانشر موقع صدى البلد الدولة عملت كده عشان تلزم أصحاب الشركات أو حتى منافذ البيع زي السوبر ماركت وغيرها ،بإصدار فاتورة اليكترونية لجميع المبيعات اللي بييبعوها يعني مش علي السجاير بس ، وده ياسيدي عشان تحفظ حقوق المستهلك أثناء تحصيل فاتورة المبيعات الملزمة من التاجر سواء كان من خلال المحلات أوالسوبر ماركت.
وببساطة كدة، الفاتورة الاكترونية دي تقدر تقول انها مستند بيثبت السعر الحقيقي اللي التاجر بيشتري ويبيع بيه، وده على أي سلعة مش السجاير بس.
وعن طريق الفواتير الإلكترونية على مبيعات السجاير هيتم ساعتها السيطرة علي الاسعار وفي حالة اي شكوى ضد أي تاجر او يعني صاحب محل بأنه يعني عمل قواتير اليكترونية كده بسعر غير رسمي ، هيتم ساعتها معاقبة صاحب المخالفة فورا وبرضه بموجب القانون
وده عشان انتشرت في الآونة الأخيرة فواتير مشتريات وهمية وخاصة في الوقت اللي أسعار السجاير كانت غالية جدا فيه.!
وده اللي خلى مصلحة الضرايب تطالب وبسرعة الابلاغ عن الشركات اللي بتعمل فواتير وهمية علي الخط الساخن للإبلاغ عن حالات التهرب الضريبي .
وطبعا مع قانون الإجراءات الضريبية الموحده خلى كمان الممولين يلتزموا بالفواتير الاليكترونيه ، ويتم تسجيل جميع المبيعات والمشتريات علي نظام الفواتير الإلكترونية.
وده إجراء مهم للتعامل مع أسعار السجاير العالية ، بجانب كمان إلزام كل ممول أو مكلف بإصدار فاتورة ضريبية أو إيصال في شكل الكتروني.
طب ياتري ايه العقوبة اللي فرضتها الحكومة علي التاجر اللي هيبيع بفاتوره وهمية ؟!القانون هنا بيصرح لأي حد هيعمل مخالفة الفاتورة الوهمية الالكترونيه ومنها أسعار السجاير بغرامة بتبدأ من من 20000 جنيه إلى 100000 جنيه.
ودلوقتي بقى تعالوا نعرف كده أسعار السجاير كام النهاردة ؟؟
المفروض ان الأسعار الرسمية بالنسبة للسجاير البوكس هي 15 جنيه
اما سعر سجاير كليوباترا 24 جنيه
وسجائر السوبر 24 جنيه
و سعر مونديال 24 جنيه
وسعر فايسروي 23 جنيه
و سعر علبة السجاير الميريت 64 جنيه
وسعر علبة السجائر ماربلورو 559 جنيها
أما سعر ال اند ام 42 جنيها.
أما بقى لو هنتكلم عن الأسعار في السوق، فـ هاني امان، الرئيس التنفيذي لشركة الشرقية للدخان، قال انه حصل تراجع في أسعار السجاير الايام اللي فاتت.
وحسب كلامه، سعر علبة سجاير كليوباترا وصلت إلى 40 جنيه، بعد ماكنا بنسمع أرقام فلكية زي 60 و 65 جنيه للعلبة الواحدة في بعض المناطق.
وانت قولنا السجاير عندك بتتباع بكام ؟!
و متنساش رأيك في التعليقات