هاجم الفنان صبري فواز، الفنان ماجد المصري بسبب رفضه دخول ابنته الوسط الفني، وذلك ضيافته على برنامج “حبر سري” المعروض بفضائية القاهرة والناس.
وقال صبري فواز: الفنانين اللي بيرفضوا عمل بناتهم في الوسط الفني بقولهم يا سيدي انت شايف الشغلانة وحشة بلاش منها.
وتابع: أنا مهاجمتش ماجد المصري ومعنديش مشكلة مع أي أشخاص ولكن تصريحه كان لازم يكون واضح بشأن رفضه دخول بناته الوسط الفني، مش عايزين نعمل سمعة وحشة للشغلانة تضرها، وبنتي لو قالت لي عايزة أمثل هي حرة وأنا هاكون في ضهرها.
ومن الجانب الآخر مفيش حاجة اسمها مفيش تلامس في الشغلانة، بقول ليوسف الشريف يروح يشوف شغلانة حلوة فيها حاجات من اللي أنت بتحبها غير شغلانتنا.
وتابع: طالما التلامس والفن مش عاجبك روح شوفلك شغلانة تانية ويا سيدي بلاش محدش غصبك واحنا مش بنضربك على إيدك.
وأضاف: عايز أشوفه في عمل جديد وأشوف التجربة المثيرة بتاعته اللي من غير تلامس ومش عارف بتتعمل إزاي دي، إنهم يدعون إلى فن جديد.
اقرأ أيضًا: مي فاروق تكشف آخر تطورات الحالة الصحية لخطيبها محمد العمروسي