الحكومة من وقت للثاني تصدر قرارات تمس المواطنين وهذا لكي تضمن لهم العيش في حياة كريمة، أخر هذه القرارات كان إعلان مجلس وزراء بتخصيص مبلغ ضخم جدا من موازنة العام المالي الجديد مكافآت للعاملين بالدولة، وهذا طبعا غير الزيادة التي تم إقرارها في إبريل اللي فات برفع الحد الأدنى لأجور الموظفين
بس السؤال هنا: المبلغ اللي خصصته الدولة ده كام؟ وياترى خصصت كام للمعلمين؟ وميزانية الدولة قد إيه؟ ومصروفاتها وإيراداتها كمان كام؟
دايما شهر يوليو بيكون مليان مفاجآت خصوصا للموظفين، وده عشان بيكون بداية العام الجديد وبتطبق فيه الميزانية الجديدة
بس يا ترى هو إيه الجديد بالنسبة للموظفين غير الزيادة الجديدة؟
شوف يا سيدي، الدكتور مصطفى مدبولي رئيس الوزراء، أعلن عن قيمة مكافآت العاملين من ميزانية 2023/2024 واللي بدأ تطبيقها من أول يوليو الجاري، ودلوقتي إجمالي اللي تم تخصيصه مكافآت للموظفين بالدولة بلغ 170 مليار و643 مليون جنيه متوزعة على جهود الموظفين الغير عادية واللي هتكون بقيمة 20 مليار و542 مليون جنيه
ده بالإضافة للمكافآت التشجعية واللي تم تخصيص ليها مبلغ 9 مليار و894 مليون جنيه، وحافز إثابة بقيمة 4 مليار و739 مليون جنيه، ده كمان خصصوا حوافز للعاملين بالكادر العام بقيمة 9 مليار و 557 مليون جنيه، أما بقى العاملين بالكادر الخاص فالحكومة أعلنت عن تخصيص مكافآت ليهم بقيمة بـ 17 مليار و975 مليون جنيه
وأعلنوا كمان عن الحافز المالي الإضافي واللي قيمته مليار و455 مليون جنيه ، كمان في حافز لجذب العمالة بمليار و519 مليون جنيه.
وعلى فكرة دول منسيوش حاملة الماجيستر والدكتوراه وخصصوا ليهم حافز تمييز بـ 160 مليون جنيه ومكافأة الامتحانات بـ 14 مليار و53 مليون جنيه ومكافأة تصحيح بـ 443 مليون جنيه، ده كمان في مكافأة تدريس بـ 908 مليون جنيه، ومكافآت للريادة العلمية بـ 51 مليون جنيه.
ده بالإضافة لمكافأة الإشراف على الرسالة العلمية بقيمة بـ 691 مليون جنيه، ومكافأت البحوث التطبيقية بـ 650 مليون جنيه، ومكافأة حضور جلسات ولجان بـ 453 مليون، ومكافآت التدريب بـ 162 مليون جنيه.
كمان منسيوش تكاليف حافز الإثابة الإضافي واللي قيمته مليار و597 مليون، وحوافز أداء العاملين بـ 7مليار و632 مليون جنيه، وحافز جودة بـ 3 مليار و 703 مليون جنيه، وحافز إضافي بـ 52 مليار و29 مليون جنيه، وحافزتكميلي للحد الأدنى بـ 5 مليار و346 مليون جنيه.
ده كمان في حافز لتطوير التعليم قبل الجامعي بـ 3مليار و430 مليون جنيه، والحافز التعويضي فده بقى هيكلف مليار و96 مليون جنيه.
أنت كمان لازم تعرف إن إجمالي الاستخدامات العامة للموازنة وصلت لـ 4 تريليون و349 مليار و214 مليون و161 ألف جنيه، وده حسب اليوم السابع
وبالنسبة لإيرادات الموازنة العامة ومتحصلاتها من الإقراض ومبيعات الأصول المالية وغرها من الأصول فالدولة قدرتها بـ 2 تريليون و88مليار و860مليون و252 ألف جنيه.
أما بقى بالنسبة للمصروفات فهي اتقدرت بمبلغ 2 تريليون و99 مليار و924 مليون و 456ألف جنيه، وبالنسبة للأجور والتعويضات للعاملين فهي اتقدرت بقيمة 470 مليار جنيه.
ودلوقتي قولنا رأيك في الموازنة الجديدة؟